नेपाल प्रिमियर लिग (एनपिएल) को तेस्रो संस्करणका लागि नेपाल क्रिकेट संघ (क्यान) ले टेलिभिजन र ओटिटी प्रशारण अधिकार कुल ३२ करोड ६८ लाखमा बिक्री गरेको छ।
क्यानले ओटिटी अधिकारको विश्वव्यापी विजेता नेट टिभी प्रालि दिएको छ। क्यानले यसका लागि १८ करोड ४ लाख रुपैयाँ बिक्री गरेको हो।
लिनियर टेलिभिजन अधिकार नेपाल क्षेत्र विजेता हिमालय टेलिभिजन नेटवर्क प्रालि भएको छ। यसका लागि १४ करोड ६४ लाखमा बिक्री भएको छ।
नेपाल बाहेक टेलिभिजनको प्रशारण भने स्टार स्पोर्ट्सबाट हुँदै आएको छ।
यस्तै टिकटिङ अधिकार इसेवा लिमिटेडले पाएको छ। जसका लागि ८५ लाखमा सहमति भएको छ।
सहमति भएका व्यावसायिक शर्तहरू अनुसार टिकटिङबाट प्राप्त हुने आम्दानीको ९५ प्रतिशत क्यानलाई र ५ प्रतिशत इसेवालाई प्राप्त हुनेछ।
-1746009348.jpg)
